ḳhumār shab kā sahar-dam rahā hai āñkhoñ meñ
tumhārī zulf kā har ḳham rahā hai āñkhoñ meñ
vo din bhī aa.egā āñkhoñ se zaḳhm Tapkeñge
abhī to sirf lahū jam rahā hai āñkhoñ meñ
koī bhī rut ho mahaktā hai sirf sāvan hī
ye kis kā dīda-e-pur-nam rahā hai āñkhoñ meñ
sulagte shahr ujaḌte makāñ jhulaste badan
kasāfatoñ kā dhuāñ jam rahā hai āñkhoñ meñ
'naved' ḳhvāb ugaao na in jazīroñ meñ
ki dhuup chhāñv kā aalam rahā hai āñkhoñ meñ
KHumar shab ka sahar-dam raha hai aankhon mein
tumhaari zulf ka har KHam raha hai aankhon mein
wo din bhi aaega aankhon se zaKHm Tapkenge
abhi to sirf lahu jam raha hai aankhon mein
koi bhi rut ho mahakta hai sirf sawan hi
ye kis ka dida-e-pur-nam raha hai aankhon mein
sulagte shahr ujaDte makan jhulaste badan
kasafaton ka dhuan jam raha hai aankhon mein
'nawed' KHwab ugao na in jaziron mein
ki dhup chhanw ka aalam raha hai aankhon mein
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.