KHunuk hawa ka ye jhonka sharar kaise hua

ḳhunuk havā kā ye jhoñkā sharār kaise huā

ye merā shahr dukhoñ kā dayār kaise huā

bujhe bujhe the bahut naqsh jab ki mausam ke

lahū ke rañg kā un pe nikhār kaise huā

banā huuñ jis se ḳhatā-kār sab kī ā.ankhoñ meñ

vo jurm mujh se batā baar baar kaise huā

milā na jis ko bulāvā kabhī samundar kā

vo shaḳhs mauj-e-balā kā shikār kaise huā

ba-shakl-e-umr milī bhiik jis se lamhoñ kī

vo vaqt mere liye be-kanār kaise huā

vo jism jis pe bahut naaz thā tujhe 'fikrī'

vo jism dasht-e-fanā kā ġhubār kaise huā

KHunuk hawa ka ye jhonka sharar kaise hua

ye mera shahr dukhon ka dayar kaise hua

bujhe bujhe the bahut naqsh jab ki mausam ke

lahu ke rang ka un pe nikhaar kaise hua

bana hun jis se KHata-kar sab ki aaankhon mein

wo jurm mujh se bata bar bar kaise hua

mila na jis ko bulawa kabhi samundar ka

wo shaKHs mauj-e-bala ka shikar kaise hua

ba-shakl-e-umr mili bhik jis se lamhon ki

wo waqt mere liye be-kanar kaise hua

wo jism jis pe bahut naz tha tujhe 'fikri'

wo jism dasht-e-fana ka ghubar kaise hua