KHush-kaam karo KHatir-e-nakaam hamein do
ḳhush-kām karo ḳhātir-e-nākām hameñ do
ḳhālī ho ki labrez koī jaam hameñ do
māyūs nahīñ ham abhī islāh-e-bashar se
har kū-e-ġhalat manzil-e-badnām hameñ do
jaulāñ-gah-e-ḳhasān-e-mohabbat se guzāro
kahte nahīñ ham shāhrah-e-ām hameñ do
ārāsta gesū se atā ho fan-e-sādī
nazroñ se adab-pāra-e-ḳhayyām hameñ do
maslak hai mohabbat kā val-itmām minallāh
kyoñ kashmakash-e-ḳhātir-e-nākām hameñ do
gunjān huā gesuoñ vāloñ se mohalla
ham-tarz-e-hasīnān-e-avadh shaam hameñ do
'mānī' yahī suqrāt kā sajjāda-nashīñ hai
denā hai use zahr bharā jaam hameñ do
KHush-kaam karo KHatir-e-nakaam hamein do
KHali ho ki labrez koi jam hamein do
mayus nahin hum abhi islah-e-bashar se
har ku-e-ghalat manzil-e-badnam hamein do
jaulan-gah-e-KHasan-e-mohabbat se guzaro
kahte nahin hum shahrah-e-am hamein do
aarasta gesu se ata ho fan-e-sadi
nazron se adab-para-e-KHayyam hamein do
maslak hai mohabbat ka wal-itmam minallah
kyon kashmakash-e-KHatir-e-nakaam hamein do
gunjaan hua gesuon walon se mohalla
ham-tarz-e-hasinan-e-awadh sham hamein do
'mani' yahi suqraat ka sajjada-nashin hai
dena hai use zahr bhara jam hamein do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
