KHush-qismat hain wo jo ganw mein lambi tan ke sote hain

ḳhush-qismat haiñ vo jo gaañv meñ lambī taan ke sote haiñ

ham to shahr ke shor meñ shab-bhar apnī jaan ko rote haiñ

kis kis dard ko apnā.eñ aur kis kis zaḳhm ko sahlā.eñ

dekhtī āñkhoñ qadam qadam par ka.ī havādis hote haiñ

dil kī dillī luT ga.ī is ke aivānoñ meñ ġhadar machī

ḳhuddārī ke muġhal shahzāde shahr meñ Thaliyā Dhote haiñ

ḳhush-lahnoñ ke liye gulshan bhī kunj-e-qafas ban jaa.e to

jabr ke gun gaate haiñ yā naġhmoñ meñ dard samote haiñ

shaam ne din kā saath chhuḌāyā raat ne dasht meñ aan liyā

aise safar meñ rahgīroñ par saañs bhī dūbhar hote haiñ

maiñ to apnī jaan pe khel ke pyaar kī baazī jiit gayā

qātil haar ga.e jo ab tak ḳhuun ke chhīñTe dhote haiñ

dil ke ziyāñ kā sabab kyā pūchho un tūfānoñ ko dekho

jin ke bhañvar sāhil ke safīnoñ ko bhī aan Dubote haiñ

'parvez' aaj nahīñ miltī hai ḳhum ke bhaav talchhaT bhī

is par turra ye hai ki saaqī nashtar-e-ta.an chubhote haiñ

KHush-qismat hain wo jo ganw mein lambi tan ke sote hain

hum to shahr ke shor mein shab-bhar apni jaan ko rote hain

kis kis dard ko apnaen aur kis kis zaKHm ko sahlaen

dekhti aankhon qadam qadam par kai hawadis hote hain

dil ki dilli luT gai is ke aiwanon mein ghadar machi

KHuddari ke mughal shahzade shahr mein Thaliya Dhote hain

KHush-lahnon ke liye gulshan bhi kunj-e-qafas ban jae to

jabr ke gun gate hain ya naghmon mein dard samote hain

sham ne din ka sath chhuDaya raat ne dasht mein aan liya

aise safar mein rahgiron par sans bhi dubhar hote hain

main to apni jaan pe khel ke pyar ki bazi jit gaya

qatil haar gae jo ab tak KHun ke chhinTe dhote hain

dil ke ziyan ka sabab kya puchho un tufanon ko dekho

jin ke bhanwar sahil ke safinon ko bhi aan Dubote hain

'parwez' aaj nahin milti hai KHum ke bhaw talchhaT bhi

is par turra ye hai ki saqi nashtar-e-tan chubhote hain