KHusha ai dil alam ki ye farawani mubarak ho

ḳhushā ai dil alam kī ye farāvānī mubārak ho

‘atā-e-‘ishq hai jo bhī pareshānī mubārak ho

vo jalva 'aks hai mā'kūs hai ḳhud aa.ina hai vo

tahayyur dil ko āñkhoñ ko ye hairānī mubārak ho

chalī aa.ī huuñ duniyā chhoḌ kar terī ġhulāmī meñ

mire dil kī mire shāhā ye sultānī mubārak ho

tujhe ai dil bhalā bazm-e-tarab se lenā denā kyā

hai nisbat qais se tujh ko bayābānī mubārak ho

kahāñ kā sahl thā tasḳhīr karnā sang ko āḳhir

kiyā hai mom jis ne aañkh kā paanī mubārak ho

tumhī the nā rihā.ī kī du'ā dete the logoñ ko

sunā hai 'ishq ke tum bhī ho zindānī mubārak ho

isī hangāme par mauqūf hai bas zindagī apnī

jo barpā kī hai dil ne hashr-sāmānī mubārak ho

zabāñ se kab kahā jaatā use hāl-e-darūñ us par

hai kholā jis ne zaḳhm-e-dil kī 'uryānī mubārak ho

hisār un bāzuoñ kā hai hifāzat ke liye 'nasrīñ'

mayassar hai un āñkhoñ kī nigahbānī mubārak ho

KHusha ai dil alam ki ye farawani mubarak ho

‘ata-e-‘ishq hai jo bhi pareshani mubarak ho

wo jalwa 'aks hai ma'kus hai KHud aaina hai wo

tahayyur dil ko aankhon ko ye hairani mubarak ho

chali aai hun duniya chhoD kar teri ghulami mein

mere dil ki mere shaha ye sultani mubarak ho

tujhe ai dil bhala bazm-e-tarab se lena dena kya

hai nisbat qais se tujh ko bayabani mubarak ho

kahan ka sahl tha tasKHir karna sang ko aaKHir

kiya hai mom jis ne aankh ka pani mubarak ho

tumhi the na rihai ki du'a dete the logon ko

suna hai 'ishq ke tum bhi ho zindani mubarak ho

isi hangame par mauquf hai bas zindagi apni

jo barpa ki hai dil ne hashr-samani mubarak ho

zaban se kab kaha jata use haal-e-darun us par

hai khola jis ne zaKHm-e-dil ki 'uryani mubarak ho

hisar un bazuon ka hai hifazat ke liye 'nasrin'

mayassar hai un aankhon ki nigahbani mubarak ho