KHushbu badan ki Khaali samundar hawaon ke
ḳhushbū badan kī ḳhālī samundar havāoñ ke
kyuuñ chheḌte haiñ ham ko payambar sadāoñ ke
dekhī na jaa.e ham se pareshāñ barahnagī
chunte haiñ apne jism meñ patthar ridāoñ ke
phir buuñd buuñd Tapkī hamāre badan se dhuup
phir aks aks bikhre haiñ manzar fazāoñ ke
ye aur baat apnī hī tah tak na jā sake
utre the chāñd par bhī shanāvar ḳhalāoñ ke
tapte rahe haiñ ḳhāmushī kā zahr umr-bhar
shāyad vo jānte the muqaddar duāoñ ke
'īraj' sadā-e-rañg mahakne lagī havā
qaus-e-quzah ne khol diye par ghaTāoñ ke
KHushbu badan ki KHali samundar hawaon ke
kyun chheDte hain hum ko payambar sadaon ke
dekhi na jae hum se pareshan barahnagi
chunte hain apne jism mein patthar ridaon ke
phir bund bund Tapki hamare badan se dhup
phir aks aks bikhre hain manzar fazaon ke
ye aur baat apni hi tah tak na ja sake
utre the chand par bhi shanawar KHalaon ke
tapte rahe hain KHamushi ka zahr umr-bhar
shayad wo jaante the muqaddar duaon ke
'iraj' sada-e-rang mahakne lagi hawa
qaus-e-quzah ne khol diye par ghaTaon ke
Source:
Rooh-e-Ghazal,Pachas Sala Intekhab (Pg. 769)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
