KHushbu gulab mein KHush patta shajar mein KHush hai
ḳhushbū gulāb meñ ḳhush pattā shajar meñ ḳhush hai
jo bhī hai apne apne dīvār-o-dar meñ ḳhush hai
pairoñ pe jo khaḌā hai ye hai zamīn us kī
hai āsmān us kā jo bāl-o-par meñ ḳhush hai
ye hijr kaun jaane ye baat kaun samjhe
maiñ apne ghar meñ ḳhush huuñ vo apne ghar meñ ḳhush hai
tū hī batā mohabbat ye bhī koī ḳhushī hai
ye dil mirā akelā is shahr-bhar meñ ḳhush hai
jitne bhī haiñ musāfir sab ke usuul alag haiñ
koī qayām meñ aur koī safar meñ ḳhush hai
KHushbu gulab mein KHush patta shajar mein KHush hai
jo bhi hai apne apne diwar-o-dar mein KHush hai
pairon pe jo khaDa hai ye hai zamin us ki
hai aasman us ka jo baal-o-par mein KHush hai
ye hijr kaun jaane ye baat kaun samjhe
main apne ghar mein KHush hun wo apne ghar mein KHush hai
tu hi bata mohabbat ye bhi koi KHushi hai
ye dil mera akela is shahr-bhar mein KHush hai
jitne bhi hain musafir sab ke usul alag hain
koi qayam mein aur koi safar mein KHush hai
- Book : Akelepan Ki Intiha (Pg. 25)
- Author :Jamal Ehsani
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
