KHushi ka lamha ret tha so hath se nikal gaya
KHushi ka lamha ret tha so hath se nikal gaya
Ambareen Haseeb ambar
MORE BYAmbareen Haseeb ambar
ḳhushī kā lamha ret thā so haath se nikal gayā
vo chaudhvīñ kā chāñd thā añdherī shab meñ Dhal gayā
hai vasf us ke paas ye badal sake har ek shai
so mujh ko bhī badal diyā aur aap bhī badal gayā
machal rahā thā dil bahut so dil kī baat maan lī
samajh rahā hai nā-samajh kī daav us kā chal gayā
ye dauḌ bhī ajiib sī hai faisla ajīb-tar
kī fāteh-e-hayāt vo jo gir ke phir sambhal gayā
samajh liyā aham nahīñ maiñ us ke vāste magar
nazar phir us se mil ga.ī ye dil kī phir bahal gayā
ajiib merā aks thā utar ke us kī aañkh meñ
sañvārā mujh ko is tarah kī aa.ina hī jal gayā
KHushi ka lamha ret tha so hath se nikal gaya
wo chaudhwin ka chand tha andheri shab mein Dhal gaya
hai wasf us ke pas ye badal sake har ek shai
so mujh ko bhi badal diya aur aap bhi badal gaya
machal raha tha dil bahut so dil ki baat man li
samajh raha hai na-samajh ki daw us ka chal gaya
ye dauD bhi ajib si hai faisla ajib-tar
ki fateh-e-hayat wo jo gir ke phir sambhal gaya
samajh liya aham nahin main us ke waste magar
nazar phir us se mil gai ye dil ki phir bahal gaya
ajib mera aks tha utar ke us ki aankh mein
sanwara mujh ko is tarah ki aaina hi jal gaya
Source:
Dil Kay Ufuq Par (Pg. 61)
- Author: Ambareen Haseeb Amber
-
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
