KHushi ke din hon to ujla libas sab pahnen

ḳhushī ke din hoñ to ujlā libās sab pahneñ

aur ek ham ki vahī jāma-e-tā.ab pahneñ

utāreñ apne badan se akele-pan kī dhuup

kisī nigāh ko oḌheñ kisī ke lab pahneñ

ba-vaqt-e-subah pahan leñge phir labāda-e-ḳhushk

nam-e-visāl hī achchhā hai shab kī shab pahneñ

ḳharīdā aur sulāyā bhī istirī bhī kiyā

magar samajh nahīñ aatī vo suiT kab pahneñ

ajiib in ke ravayyoñ meñ bad-tamīzī hai

ye ahl-e-shahr kabhī jāma-e-adab pahneñ

pahanñe kī hameñ āzādī mil rahī hai magar

samāj jis ko samajhtā hai mā-vajab pahneñ

hamāre dil ne gavārā nahīñ kiyā 'yāvar'

ham us ke hijr meñ pairāhan-e-tarab pahneñ

KHushi ke din hon to ujla libas sab pahnen

aur ek hum ki wahi jama-e-taab pahnen

utaren apne badan se akele-pan ki dhup

kisi nigah ko oDhen kisi ke lab pahnen

ba-waqt-e-subah pahan lenge phir labaada-e-KHushk

nam-e-visal hi achchha hai shab ki shab pahnen

KHarida aur sulaya bhi istiri bhi kiya

magar samajh nahin aati wo suiT kab pahnen

ajib in ke rawayyon mein bad-tamizi hai

ye ahl-e-shahr kabhi jama-e-adab pahnen

pahanne ki hamein aazadi mil rahi hai magar

samaj jis ko samajhta hai ma-wajab pahnen

hamare dil ne gawara nahin kiya 'yawar'

hum us ke hijr mein pairahan-e-tarab pahnen