KHushi se jhumti phirti hai aur phir muskuraati hai

ḳhushī se jhūmtī phirtī hai aur phir muskurātī hai

mirī taaza ġhazal vo yaad kar ke gungunātī hai

tumheñ cigarette se nafrat hai to ye kyoñ bhuul baiThe tum

tumheñ jis se mohabbat hai use cigarette bachātī hai

nahīñ ma.alūm merā hāfiza kis samt rahtā hai

magar vo yaad rakhtī hai janam din tak manātī hai

use bujhte diyoñ se itnī uljhan hai ki mat pūchho

koī jo laḌkhaḌā jaa.e use fauran jalātī hai

kitābeñ chīḳhne lagtī haiñ jab vo paas se guzre

inheñ vo chuum ke rakhtī hai siine se lagātī hai

zahīn itnī hai us se bahs to ham kar nahīñ sakte

mujhe manTo ke afsāne bilā-nāġha sunātī hai

KHushi se jhumti phirti hai aur phir muskuraati hai

meri taza ghazal wo yaad kar ke gungunati hai

tumhein cigarette se nafrat hai to ye kyon bhul baiThe tum

tumhein jis se mohabbat hai use cigarette bachati hai

nahin malum mera hafiza kis samt rahta hai

magar wo yaad rakhti hai janam din tak manati hai

use bujhte diyon se itni uljhan hai ki mat puchho

koi jo laDkhaDa jae use fauran jalati hai

kitaben chiKHne lagti hain jab wo pas se guzre

inhen wo chum ke rakhti hai sine se lagati hai

zahin itni hai us se bahs to hum kar nahin sakte

mujhe manTo ke afsane bila-nagha sunati hai