KHushiyan yaad nahin hain aur gham yaad nahin

ḳhushiyāñ yaad nahīñ haiñ aur ġham yaad nahīñ

kaisā hamdam hai jis ko ham yaad nahīñ

ek arse se bhūlā huā huuñ maiñ us ko

huiiñ thiiñ merī āñkheñ kab nam yaad nahīñ

ham to azal se tanhā the so tanhā haiñ

ġham vo mile haiñ ḳhushī kā aalam yaad nahīñ

jis meñ phuul khilā karte haiñ ulfat ke

kyā tum ko vo pyaar kā mausam yaad nahīñ

kaise junūñ ne gherā Daalā gird mire

jo tum ne apnā.e vo ġham yaad nahīñ

is andāze se ujḌā ye baaġh 'vaqās'

jis dam meñ thā dam ab vo dam yaad nahīñ

KHushiyan yaad nahin hain aur gham yaad nahin

kaisa hamdam hai jis ko hum yaad nahin

ek arse se bhula hua hun main us ko

huin thin meri aankhen kab nam yaad nahin

hum to azal se tanha the so tanha hain

gham wo mile hain KHushi ka aalam yaad nahin

jis mein phul khila karte hain ulfat ke

kya tum ko wo pyar ka mausam yaad nahin

kaise junun ne ghera Dala gird mere

jo tum ne apnae wo gham yaad nahin

is andaze se ujDa ye bagh 'waqas'

jis dam mein tha dam ab wo dam yaad nahin