KHub hathon-hath badla mil gaya bedad ka

ḳhuub hāthoñ-hāth badla mil gayā bedād kā

āshiyāñ merā jalā ghar jal gayā sayyād kā

ye ḳhulāsa muḳhtasar hai ishq kī rūdād kā

shauq hai un ko satāne kā hameñ fariyād kā

har giraftār-e-qafas qaidī hai be-mī.ād kā

chhoḌ bhī detā hai jī chāhe agar sayyād kā

vaah mujh aise muqayyad ko laqab aanrā kā

maslahat sayyād kī hai yā karam sayyād kā

ab kyā kartā hai mātam bulbul-e-nāshād kā

dil laraztā hai taqayya dekh kar sayyād kā

hashr us din dekhnā har bānī-e-be-dād kā

jab zamīñ tāñbe kī hogī āsmāñ faulād kā

kyā mirī fariyād kā un par asar hotā nahīñ

jo unheñ ma.alūm ho jaatā sabab fariyād kā

kahte haiñ be-qā.ida fariyād ham sunte nahīñ

phir batāte bhī nahīñ vo qā.eda fariyād kā

ek ḳhud-bīñ ko huā jis vaqt ḳhud-bīnī kā shauq

ban gayā manDān saare ālam-e-ījād kā

kuchh mirī fariyād bhī un par asar kartī nahīñ

aur kuchh vo bhī asar lete nahīñ fariyād kā

āshiqī sar phoḌ lene ke sivā kuchh bhī nahīñ

ham to ye samjhe haiñ sun kar mājrā farhād kā

daam kā kyā zikr hai maiñ banda-e-be-dām huuñ

shāmat aa.ī phañs gayā muñh dekh kar sayyād kā

intizām-e-āb-o-dāna hai na tanzīm-e-qafas

mujh se pūchho boltā shahkār huuñ sayyād kā

nāla-o-fariyād bahr-e-aish ho jab ai safī'

phir kahāñ tāsīr naale kī asar fariyād kā

KHub hathon-hath badla mil gaya bedad ka

aashiyan mera jala ghar jal gaya sayyaad ka

ye KHulasa muKHtasar hai ishq ki rudad ka

shauq hai un ko satane ka hamein fariyaad ka

har giraftar-e-qafas qaidi hai be-miad ka

chhoD bhi deta hai ji chahe agar sayyaad ka

wah mujh aise muqayyad ko laqab aanra ka

maslahat sayyaad ki hai ya karam sayyaad ka

ab kya karta hai matam bulbul-e-nashad ka

dil larazta hai taqayya dekh kar sayyaad ka

hashr us din dekhna har bani-e-be-dad ka

jab zamin tanbe ki hogi aasman faulad ka

kya meri fariyaad ka un par asar hota nahin

jo unhen malum ho jata sabab fariyaad ka

kahte hain be-qaida fariyaad hum sunte nahin

phir batate bhi nahin wo qaeda fariyaad ka

ek KHud-bin ko hua jis waqt KHud-bini ka shauq

ban gaya manDan sare aalam-e-ijad ka

kuchh meri fariyaad bhi un par asar karti nahin

aur kuchh wo bhi asar lete nahin fariyaad ka

aashiqi sar phoD lene ke siwa kuchh bhi nahin

hum to ye samjhe hain sun kar majra farhad ka

dam ka kya zikr hai main banda-e-be-dam hun

shamat aai phans gaya munh dekh kar sayyaad ka

intizam-e-ab-o-dana hai na tanzim-e-qafas

mujh se puchho bolta shahkar hun sayyaad ka

nala-o-fariyaad bahr-e-aish ho jab ai safi'

phir kahan tasir nale ki asar fariyaad ka