KHub thi wo ghaDi ki jab donon the ek hisar mein

ḳhuub thī vo ghaḌī ki jab donoñ the ik hisār meñ

maiñ thā tire ḳhumār meñ tū thā mire ḳhumār meñ

nuur se mire ishq ke nikhre the is ke ḳhadd-o-ḳhāl

rañg thā mire ḳhvāb kā aks jamāl-e-yār meñ

go thī kashish hamāre beach baare baham na ho sake

maiñ thā alag madār meñ vo thā alag madār meñ

ḳhvāhish-e-vasl-e-yār to puurī na ho sakī magar

dasht-e-hayāt kaT gayā vahshat-e-intizār meñ

marzī se kab huā koī ishq-e-butāñ meñ mubtalā

kaun ye rog pāltā hotā jo iḳhtiyār meñ

naġhme ḳhushī ke kis tarah gaa.e vo bulbul-e-nazār

jis kā chaman ujaḌ gayā yaaro bharī bahār meñ

KHub thi wo ghaDi ki jab donon the ek hisar mein

main tha tere KHumar mein tu tha mere KHumar mein

nur se mere ishq ke nikhre the is ke KHadd-o-KHal

rang tha mere KHwab ka aks jamal-e-yar mein

go thi kashish hamare beach bare baham na ho sake

main tha alag madar mein wo tha alag madar mein

KHwahish-e-wasl-e-yar to puri na ho saki magar

dasht-e-hayat kaT gaya wahshat-e-intizar mein

marzi se kab hua koi ishq-e-butan mein mubtala

kaun ye rog palta hota jo iKHtiyar mein

naghme KHushi ke kis tarah gae wo bulbul-e-nazar

jis ka chaman ujaD gaya yaro bhari bahaar mein