KHubi-e-tarz-e-maqalat se kya hota hai

ḳhūbī-e-tarz-e-maqālāt se kyā hotā hai

baat karte rahe ham baat se kyā hotā hai

raat kaT jaa.e to phir raat chalī aa.egī

raat kaT jā.egī ik raat se kyā hotā hai

kisī jānib se javāb aa.e to kuchh baat chale

kāvish-e-husn-e-savālāt se kyā hotā hai

jab ki taqtīr-e-rag-e-jāñ se bañdhī hai taqdīr

be-ḳhabar zikr-o-munājāt se kyā hotā hai

daan diije ki mire ġham kā mudāvā hove

rañj hotā hai hisābāt se kyā hotā hai

dil kī vus.at se hai āsānī-e-anfās vale

vus.at-e-sahn-e-mahallāt se kyā hotā hai

sāmne aao kisī roz to kuchh baat kareñ

umr-bhar hall-e-muammāt se kyā hotā hai

zaat hī maz.har-e-me.ār-e-haq-o-bātil hai

vo ġhalat kahte haiñ ki zaat se kyā hotā hai

jaañ nikal jā.egī to faisla deñge che ḳhuub

sāhibo aisī mukāfāt se kyā hotā hai

KHubi-e-tarz-e-maqalat se kya hota hai

baat karte rahe hum baat se kya hota hai

raat kaT jae to phir raat chali aaegi

raat kaT jaegi ek raat se kya hota hai

kisi jaanib se jawab aae to kuchh baat chale

kawish-e-husn-e-sawalat se kya hota hai

jab ki taqtir-e-rag-e-jaan se bandhi hai taqdir

be-KHabar zikr-o-munajat se kya hota hai

dan dije ki mere gham ka mudawa howe

ranj hota hai hisabaat se kya hota hai

dil ki wusat se hai aasani-e-anfas wale

wusat-e-sahn-e-mahallat se kya hota hai

samne aao kisi roz to kuchh baat karen

umr-bhar hall-e-muammat se kya hota hai

zat hi mazhar-e-mear-e-haq-o-baatil hai

wo ghalat kahte hain ki zat se kya hota hai

jaan nikal jaegi to faisla denge che KHub

sahibo aisi mukafat se kya hota hai