KHugar-e-jaur pe thoDi si jafa aur sahi

Mohammad Ali Jauhar

KHugar-e-jaur pe thoDi si jafa aur sahi

Mohammad Ali Jauhar

MORE BY Mohammad Ali Jauhar

    ḳhūgar-e-jaur pe thoḌī jafā aur sahī

    is qadar zulm pe mauqūf hai kyā aur sahī

    ḳhauf ġhammāz adālat ḳhatar daar Dar

    haiñ jahāñ itne vahāñ ḳhauf-e-ḳhudā aur sahī

    ahd-e-avval ko bhī achchhā hai jo puurā kar do

    tum vafādār ho thoḌī vafā aur sahī

    jis ne hañgāma adālat tirī dekhā hai

    us gunahgār ko ik roz-e-jazā aur sahī

    kishvar-e-kufr meñ kaabe ko bhī shāmil kar lo

    sair-e-zulmāt ko thoḌī fazā aur sahī

    bandagī meñ tirī sahte haiñ lapTeñ

    chand din ke liye dozaḳh havā aur sahī

    diin o dil chukā jaan bhī jaatī hai to jaa.e

    tarkash-e-kufr meñ ik tīr-e-qazā aur sahī

    rabb-e-izzat ke liye bhī koī rahne do ḳhitāb

    tum ḳhudāvand kahlāo ḳhudā aur sahī

    hukm-e-hākim na sahī marg-e-mufājāt se kam

    mālik-ul-mulk pe īmāñ sazā aur sahī

    ham vafā-keshoñ īmāñ bhī hai parvāna-sifat

    sham-e-mahfil jo vo kāfir na rahā aur sahī

    KHugar-e-jaur pe thoDi si jafa aur sahi

    is qadar zulm pe mauquf hai kya aur sahi

    KHauf ghammaz adalat ka KHatar dar ka Dar

    hain jahan itne wahan KHauf-e-KHuda aur sahi

    ahd-e-awwal ko bhi achchha hai jo pura kar do

    tum wafadar ho thoDi si wafa aur sahi

    jis ne hangama adalat ka teri dekha hai

    us gunahgar ko ek roz-e-jaza aur sahi

    kishwar-e-kufr mein kabe ko bhi shamil kar lo

    sair-e-zulmat ko thoDi si faza aur sahi

    bandagi mein teri sahte hi hain lu ki lapTen

    chand din ke liye dozaKH ki hawa aur sahi

    din o dil ja hi chuka jaan bhi jati hai to jae

    tarkash-e-kufr mein ek tir-e-qaza aur sahi

    rabb-e-izzat ke liye bhi koi rahne do KHitab

    tum KHudawand hi kahlao KHuda aur sahi

    hukm-e-hakim na sahi marg-e-mufajat se kam

    malik-ul-mulk pe iman ki saza aur sahi

    hum wafa-keshon ka iman bhi hai parwana-sifat

    sham-e-mahfil jo wo kafir na raha aur sahi

    RECITATIONS

    Nomaan Shauque

    Nomaan Shauque

    Nomaan Shauque

    KHugar-e-jaur pe thoDi si jafa aur sahi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY