KHugar-e-ru-e-KHush-jamal hain hum

ḳhūgar-e-ru-e-ḳhush-jamāl haiñ ham

nāz-e-parvarda-e-visāl haiñ ham

ham ko yuuñ rā.egāñ na kar denā

hāsil-e-fasl-e-māh-o-sāl haiñ ham

rañg hī rañg ḳhushbū hī ḳhushbū

gardish-e-sāġhar-e-ḳhayāl haiñ ham

raunaq-e-kārobār-e-hastī haiñ

ham ne maanā shikasta-hāl haiñ ham

māl-o-zar, māl-o-zar kī qīmat kyā

sāhab-e-daulat-e-kamāl haiñ ham

kis kī rānā.i-e-ḳhayāl hai tū

terī rānā.i-e-jamāl haiñ ham

aise dīvāne phir na ā.eñge

dekh lo ham ko be-misāl haiñ ham

daulat-e-husn-e-lā-zavāl hai tū

daulat-e-ishq-e-lā-zavāl haiñ ham

KHugar-e-ru-e-KHush-jamal hain hum

naz-e-parwarda-e-visal hain hum

hum ko yun raegan na kar dena

hasil-e-fasl-e-mah-o-sal hain hum

rang hi rang KHushbu hi KHushbu

gardish-e-saghar-e-KHayal hain hum

raunaq-e-karobar-e-hasti hain

hum ne mana shikasta-haal hain hum

mal-o-zar, mal-o-zar ki qimat kya

sahab-e-daulat-e-kamal hain hum

kis ki ranai-e-KHayal hai tu

teri ranai-e-jamal hain hum

aise diwane phir na aaenge

dekh lo hum ko be-misal hain hum

daulat-e-husn-e-la-zawal hai tu

daulat-e-ishq-e-la-zawal hain hum