KHun-e-dil se kisht-e-gham ko sinchta rahta hun main
ḳhūn-e-dil se kisht-e-ġham ko sīñchtā rahtā huuñ maiñ
ḳhālī kāġhaz par lakīreñ khīñchtā rahtā huuñ maiñ
aaj se mujh par mukammal ho gayā dīn-e-firāq
haañ tasavvur meñ bhī ab tujh se judā rahtā huuñ maiñ
tū dayār-e-husn hai ūñchī rahe terī fasīl
maiñ huuñ darvāza mohabbat kaa, khulā rahtā huuñ maiñ
shaam tak khīñche liye phirte haiñ is duniyā ke kaam
sub.h tak farsh-e-nadāmat par paḌā rahtā huuñ maiñ
haañ kabhī mujh par bhī ho jaatā hai mausam kā asar
haañ kisī din shākī-e-āb-o-havā rahtā huuñ maiñ
ahl-e-duniyā se ta.alluq qat.a hotā hī nahīñ
bhuul jaane par bhī sūrat-āshnā rahtā huuñ maiñ
KHun-e-dil se kisht-e-gham ko sinchta rahta hun main
KHali kaghaz par lakiren khinchta rahta hun main
aaj se mujh par mukammal ho gaya din-e-firaq
han tasawwur mein bhi ab tujh se juda rahta hun main
tu dayar-e-husn hai unchi rahe teri fasil
main hun darwaza mohabbat ka, khula rahta hun main
sham tak khinche liye phirte hain is duniya ke kaam
subh tak farsh-e-nadamat par paDa rahta hun main
han kabhi mujh par bhi ho jata hai mausam ka asar
han kisi din shaki-e-ab-o-hawa rahta hun main
ahl-e-duniya se talluq qata hota hi nahin
bhul jaane par bhi surat-ashna rahta hun main
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.