KHun oDhe hue har ghar ka sarapa nikla

Mazhar Imam

KHun oDhe hue har ghar ka sarapa nikla

Mazhar Imam

MORE BY Mazhar Imam

    ḳhuun oḌhe hue har ghar sarāpā niklā

    aap ke shahr andāz nirālā niklā

    chhū ke ik shaḳhs ko parkhā to mulammā niklā

    us ko maiñ kaisā samajhtā thā vo kaisā niklā

    ruuh vīrān milī rañg parīda niklā

    us ko nazdīk se dekhā to zamāna niklā

    sach ke sahrā meñ unheñ DhūñD ke thak-hār ga.e

    jhuuT ke shahr meñ yāroñ baserā niklā

    ḳhush ho ai dhuup ke nezoñ se jhulasne vaalo

    chāñd ke dosh pe sūraj janāza niklā

    jis se katrā ke nikalte rahe barsoñ sar-e-rāh

    us se kal haath milāyā to vo apnā niklā

    kahīñ sahrā meñ bhī Das le na hameñ sairābī

    ret ke batn se phunkārtā dariyā niklā

    narm-rau thā to sabhī raah se muñh moḌ ga.e

    sañg uThāyā to mire saath zamāna niklā

    vādiyāñ lafz o ma.ānī tah-e-āb huiiñ

    kin pahāḌoñ se ḳhayālāt jharnā niklā

    KHun oDhe hue har ghar ka sarapa nikla

    aap ke shahr ka andaz nirala nikla

    chhu ke ek shaKHs ko parkha to mulamma nikla

    us ko main kaisa samajhta tha wo kaisa nikla

    ruh viran mili rang parida nikla

    us ko nazdik se dekha to zamana nikla

    sach ke sahra mein unhen DhunD ke thak-haar gae

    jhuT ke shahr mein yaron ka basera nikla

    KHush ho ai dhup ke nezon se jhulasne walo

    chand ke dosh pe suraj ka janaza nikla

    jis se katra ke nikalte rahe barson sar-e-rah

    us se kal hath milaya to wo apna nikla

    kahin sahra mein bhi Das le na hamein sairabi

    ret ke batn se phunkarta dariya nikla

    narm-rau tha to sabhi rah se munh moD gae

    sang uThaya to mere sath zamana nikla

    wadiyan lafz o maani ki tah-e-ab huin

    kin pahaDon se KHayalat ka jharna nikla

    Source:

    • Book: paalkii kahkashaa.n (Pg. 124)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites