KHwab achchhe nahin is umr mein ghar ke logo

ḳhvāb achchhe nahīñ is 'umr meñ ghar ke logo

yahī din raat to hote haiñ safar ke logo

jāmunī rang kā sho'la koī lahrātā hai

ham to is aag ko dekheñge Thahar ke logo

yahī miTTī jo kināre pe nazar aatī hai

aur ho jaatī hai paanī meñ utar ke logo

apne hī shahr kā ahvāl sunā karte haiñ

jaise qisse hoñ kisī aur nagar ke logo

aaj 'sarvat' se mulāqāt huī thī apnī

yahāñ charche haiñ usī ā.ina-gar ke logo

KHwab achchhe nahin is 'umr mein ghar ke logo

yahi din raat to hote hain safar ke logo

jamuni rang ka sho'la koi lahraata hai

hum to is aag ko dekhenge Thahar ke logo

yahi miTTi jo kinare pe nazar aati hai

aur ho jati hai pani mein utar ke logo

apne hi shahr ka ahwal suna karte hain

jaise qisse hon kisi aur nagar ke logo

aaj 'sarwat' se mulaqat hui thi apni

yahan charche hain usi aaina-gar ke logo