KHwab dekhe the suhane kitne

Sahir Hoshiyarpuri

KHwab dekhe the suhane kitne

Sahir Hoshiyarpuri

MORE BYSahir Hoshiyarpuri

    ḳhvāb dekhe the suhāne kitne

    jaag uThe dard purāne kitne

    ek jalve farāvānī se

    ban ga.e ā.ina-ḳhāne kitne

    chaal se haal laate haiñ ḳhabar

    log hote haiñ siyāne kitne

    buujh kar bhī na batā.ūñ tujh ko

    terī muTThī meñ haiñ daane kitne

    be-irāda jo hue ashk-e-ravāñ

    luT ga.e ġham ke ḳhazāne kitne

    tum zarā ruuTh ke dekho to sahī

    log aate haiñ manāne kitne

    ham ne sirf ek tabassum ke liye

    zaḳhm khaa.e haiñ na jaane kitne

    Duub marne nahīñ koī javāz

    zinda rahne ke bahāne kitne

    sard-mehrī se tirī mahfil meñ

    jal-bujhe log na jaane kitne

    yād-e-māzī se simaT aa.e haiñ

    ek lamhe meñ zamāne kitne

    ik nazar dekhā thā us ne 'sāhir'

    gaḌ.h liye dil ne fasāne kitne

    KHwab dekhe the suhane kitne

    jag uThe dard purane kitne

    ek jalwe ki farawani se

    ban gae aaina-KHane kitne

    chaal se haal ki late hain KHabar

    log hote hain siyane kitne

    bujh kar bhi na bataun tujh ko

    teri muTThi mein hain dane kitne

    be-irada jo hue ashk-e-rawan

    luT gae gham ke KHazane kitne

    tum zara ruTh ke dekho to sahi

    log aate hain manane kitne

    hum ne sirf ek tabassum ke liye

    zaKHm khae hain na jaane kitne

    Dub marne ka nahin koi jawaz

    zinda rahne ke bahane kitne

    sard-mehri se teri mahfil mein

    jal-bujhe log na jaane kitne

    yaad-e-mazi se simaT aae hain

    ek lamhe mein zamane kitne

    ek nazar dekha tha us ne 'sahir'

    gaDh liye dil ne fasane kitne

    Source :
    • Book : Sehr-e-Khayal (Pg. 14)
    • Author : Sahir Hoshiarpuri
    • Publication : Modern Publishing House (1990)
    • Edition : 1990
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY