KHwab-e-rahat mein kho gae hain log

ḳhvāb-e-rāhat meñ kho ga.e haiñ log

hasb-e-ma.amūl so ga.e haiñ log

rote rote rah-e-mohabbat meñ

āñsuoñ ko bhī ro ga.e haiñ log

merī āñkhoñ meñ kyā nazar aayā

daf.atan aag ho ga.e haiñ log

kabhī taḌpe haiñ lāla-o-gul par

kabhī kāñToñ pe so ga.e haiñ log

apne ehsās ke tanūroñ meñ

beshtar raakh ho ga.e haiñ log

ek tīr-e-sitam kā kyā shikva

kitne nashtar chubho ga.e haiñ log

merī rāh-e-hayāt meñ jaise

ḳhaar hī ḳhaar bo ga.e haiñ log

yahī ronā hayāt kā 'nāzim'

tum se pahle bhī ro ga.e haiñ log

KHwab-e-rahat mein kho gae hain log

hasb-e-mamul so gae hain log

rote rote rah-e-mohabbat mein

aansuon ko bhi ro gae hain log

meri aankhon mein kya nazar aaya

dafatan aag ho gae hain log

kabhi taDpe hain lala-o-gul par

kabhi kanTon pe so gae hain log

apne ehsas ke tanuron mein

beshtar rakh ho gae hain log

ek tir-e-sitam ka kya shikwa

kitne nashtar chubho gae hain log

meri rah-e-hayat mein jaise

KHar hi KHar bo gae hain log

yahi rona hayat ka 'nazim'

tum se pahle bhi ro gae hain log