KHwab jannat ke hain be-mahal dosto

ḳhvāb jannat ke haiñ be-mahal dosto

kuchh bhī hotā nahīñ be-amal dosto

merā da.avā nahīñ be-amal dosto

dekhnā yaad ā.ūñgā kal dosto

ham mizāj-e-ġhazal se haiñ ḳhuub āshnā

ham se qaa.em hai husn-e-ġhazal dosto

rañj ke ba.ad rāhat bhī hai lāzmī

aaj guzrā to aa.egī kal dosto

laakh chāho magar mas.ala ziist kā

be-amal ho sakegā na hal dosto

aaj dhūmeñ machā liiñ sar-e-mai-kada

kaun jaane kahāñ hoñge kal dosto

apne apne taḳhayyul kī parvāz hai

apnā apnā hai rang-e-ġhazal dosto

kyā kahe hāl-e-dil 'āsī'-e-ḳhasta-jāñ

chain dil ko nahīñ ek pal dosto

KHwab jannat ke hain be-mahal dosto

kuchh bhi hota nahin be-amal dosto

mera dawa nahin be-amal dosto

dekhna yaad aaunga kal dosto

hum mizaj-e-ghazal se hain KHub aashna

hum se qaem hai husn-e-ghazal dosto

ranj ke baad rahat bhi hai lazmi

aaj guzra to aaegi kal dosto

lakh chaho magar masala zist ka

be-amal ho sakega na hal dosto

aaj dhumen macha lin sar-e-mai-kada

kaun jaane kahan honge kal dosto

apne apne taKHayyul ki parwaz hai

apna apna hai rang-e-ghazal dosto

kya kahe haal-e-dil 'asi'-e-KHasta-jaan

chain dil ko nahin ek pal dosto