KHwab jo achchhe bure the

ḳhvāb jo achchhe bure the

mere andar pal rahe the

ek chuppī tum ne chāhī

maiñ ne apne lab siye the

āzmā.ish vaqt ne kī

sab yaqīñ TuuTe paḌe the

umr bhar chal kar na pahuñche

jaane kaise marhale the

niiñd āñkhoñ se judā thī

ḳhvāb meñ bhī ratjage the

din mahīne saal guzre

yuuñ to ham kal hī mile the

lafz the bāheñ pasāre

aur ġhazal ko kuchh gile the

thī purānī film duniyā

chehre sab dekhe sune the

fāsloñ kā Dar kise thā

paañv par raste likhe the

us ne bartā thā takalluf

mere bhī kuchh mas.ale the

chāñd tāroñ kī jagah par

abr par jugnūñ Tañge the

KHwab jo achchhe bure the

mere andar pal rahe the

ek chuppi tum ne chahi

main ne apne lab siye the

aazmaish waqt ne ki

sab yaqin TuTe paDe the

umr bhar chal kar na pahunche

jaane kaise marhale the

nind aankhon se juda thi

KHwab mein bhi ratjage the

din mahine sal guzre

yun to hum kal hi mile the

lafz the bahen pasare

aur ghazal ko kuchh gile the

thi purani film duniya

chehre sab dekhe sune the

faslon ka Dar kise tha

panw par raste likhe the

us ne barta tha takalluf

mere bhi kuchh masale the

chand taron ki jagah par

abr par jugnun Tange the