KHwab mein bhi na kabhi un se mulaqat hui
ḳhvāb meñ bhī na kabhī un se mulāqāt huī
hameñ hāsil na kabhī vaj.h-e-mubāhāt huī
fikr-e-fardā hai kabhī ranj-o-ġham-e-dosh kabhī
kis qadar rūh-e-bashar morid-e-āfāt huī
ḳhasta-hālī pe mirī un ko bhī ronā aayā
ba.ad-e-muddat mire vīrāne meñ barsāt huī
vaj.h-e-āshob-e-tamannā huā fikr-e-jannat
vaj.h-e-āsūdgī-e-rūh munājāt huī
tishnagī miT na sakī kām-o-dahan kī 'fāriġh'
zindagī muft meñ marhūn-e-ḳharābāt huī
KHwab mein bhi na kabhi un se mulaqat hui
hamein hasil na kabhi wajh-e-mubahat hui
fikr-e-farda hai kabhi ranj-o-gham-e-dosh kabhi
kis qadar ruh-e-bashar morid-e-afat hui
KHasta-haali pe meri un ko bhi rona aaya
baad-e-muddat mere virane mein barsat hui
wajh-e-ashob-e-tamanna hua fikr-e-jannat
wajh-e-asudgi-e-ruh munajat hui
tishnagi miT na saki kaam-o-dahan ki 'farigh'
zindagi muft mein marhun-e-KHarabaat hui
Source:
Ehsasat-e-Farigh (Pg. 26)
- Author: Laxmi Narayan Farigh
-
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
