KHwab palkon par sulagne aur bhi the

ḳhvāb palkoñ par sulagne aur bhī the

āñkhoñ kī qismat meñ dhoke aur bhī the

jis ko khone kā tarīqa ek hī thā

us ko paane ke tarīqe aur bhī the

mujh ko āḳhir toḌne kī vajah kyā thī

shāḳh pe jab mere jaise aur bhī the

dil ko halkā karne ko rone lagā maiñ

jab ki rone ke natīje aur bhī the

chand lamhoñ kī ḳhushī meñ bhuul baiThā

mere uupar ġham ke saa.e aur bhī the

maiñ akelā hī pahuñch paayā huuñ mujh tak

mere pīchhe aane vaale aur bhī thī

sab kī nazreñ aa ke mujh par Tik ga.ī thiiñ

jab ki duniyā meñ tamāshe aur bhī the

KHwab palkon par sulagne aur bhi the

aankhon ki qismat mein dhoke aur bhi the

jis ko khone ka tariqa ek hi tha

us ko pane ke tariqe aur bhi the

mujh ko aaKHir toDne ki wajah kya thi

shaKH pe jab mere jaise aur bhi the

dil ko halka karne ko rone laga main

jab ki rone ke natije aur bhi the

chand lamhon ki KHushi mein bhul baiTha

mere upar gham ke sae aur bhi the

main akela hi pahunch paya hun mujh tak

mere pichhe aane wale aur bhi thi

sab ki nazren aa ke mujh par Tik gai thin

jab ki duniya mein tamashe aur bhi the