KHwab tabir mein badalta hai
ḳhvāb ta.abīr meñ badaltā hai
us meñ lekin zamāna lagtā hai
jab use chāhateñ mayassar hoñ
ḳhud-baḳhud aadmī badaltā hai
pahle ye dil kahāñ dhaḌaktā thā
ab har ik baat par dhaḌaktā hai
haañ mirī ḳhvāhisheñ ziyāda haiñ
haañ vo is baat ko samajhtā hai
sar-ba-sar vasl kī tamannā meñ
vo badan ruuh meñ utartā hai
raat bhī ban-sañvar ke aatī hai
din bhī utrā ke ab nikaltā hai
ho ke said-e-ġham-e-jahāñ ye khulā
ġham se ik rāsta nikaltā hai
KHwab tabir mein badalta hai
us mein lekin zamana lagta hai
jab use chahaten mayassar hon
KHud-baKHud aadmi badalta hai
pahle ye dil kahan dhaDakta tha
ab har ek baat par dhaDakta hai
han meri KHwahishen ziyaada hain
han wo is baat ko samajhta hai
sar-ba-sar wasl ki tamanna mein
wo badan ruh mein utarta hai
raat bhi ban-sanwar ke aati hai
din bhi utra ke ab nikalta hai
ho ke said-e-gham-e-jahan ye khula
gham se ek rasta nikalta hai
Source:
Kitab-e-tanhaii (Pg. 25)
- Author: Yashab Tamanna
-
- Edition: 2011
- Publisher: Shirkat Press, Lahore
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
