KHwab uske hain jo chura le jae

Rasa Chughtai

KHwab uske hain jo chura le jae

Rasa Chughtai

MORE BYRasa Chughtai

    ḳhvāb us ke haiñ jo churā le jaa.e

    niiñd us hai jo uḌā le jaa.e

    zulf us hai jo use chhū le

    baat us hai jo banā le jaa.e

    teġh us hai shāḳh-e-gul us

    jo use khīñchtā huā le jaa.e

    us se kahnā ki kyā nahīñ us paas

    phir bhī darvesh duā le jaa.e

    zaḳhm ho to koī duhā.ī de

    tiir ho to koī uThā le jaa.e

    qarz ho to koī adā kar de

    haath ho to koī chhuḌā le jaa.e

    lau diye nigāh meñ rakhnā

    jaane kis samt rāstā le jaa.e

    dil meñ ābād haiñ jo sadiyoñ se

    un butoñ ko kahāñ ḳhudā le jaa.e

    kab na jaane ubal paḌe chashma

    kab ye sahrā mujhe bahā le jaa.e

    ḳhvāb aisā ki dekhte rahiye

    yaad aisī ki hāfiza le jaa.e

    maiñ ġharīb-ud-dayār merā kyā

    mauj le jaa.e havā le jaa.e

    ḳhaak honā jab muqaddar hai

    ab jahāñ baḳht-e-nā-rasā le jaa.e

    KHwab us ke hain jo chura le jae

    nind us ki hai jo uDa le jae

    zulf us ki hai jo use chhu le

    baat us ki hai jo bana le jae

    tegh us ki hai shaKH-e-gul us ki

    jo use khinchta hua le jae

    us se kahna ki kya nahin us pas

    phir bhi darwesh ki dua le jae

    zaKHm ho to koi duhai de

    tir ho to koi uTha le jae

    qarz ho to koi ada kar de

    hath ho to koi chhuDa le jae

    lau diye ki nigah mein rakhna

    jaane kis samt rasta le jae

    dil mein aabaad hain jo sadiyon se

    un buton ko kahan KHuda le jae

    kab na jaane ubal paDe chashma

    kab ye sahra mujhe baha le jae

    KHwab aisa ki dekhte rahiye

    yaad aisi ki hafiza le jae

    main gharib-ud-dayar mera kya

    mauj le jae ya hawa le jae

    KHak hona hi jab muqaddar hai

    ab jahan baKHt-e-na-rasa le jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY