KHwabon ka guzar dida-e-bedar se hoga

ḳhvāboñ kā guzar dīda-e-bedār se hogā

ḳhushbū kā safar har dar-o-dīvār se hogā

phir kāsa-e-sar kūcha-e-qātil meñ sajeñge

ye khel to jaarī rasan-o-dār se hogā

har harf se phūTegī kiran sub.h-e-junūñ kī

har baab raqam jur.at-e-iz.hār se hogā

pahchān sharāfat kī zar-o-māl se hogī

me.ār-e-suḳhan jubba-o-dastār se hogā

har sub.h kī nisbat kisī mazlūm se hogī

āġhāz har ik shab kā sitamgār se hogā

'qaisar' tire lafzoñ kī kasak yaad rahegī

andesha-e-daurāñ tire ash.ār se hogā

KHwabon ka guzar dida-e-bedar se hoga

KHushbu ka safar har dar-o-diwar se hoga

phir kasa-e-sar kucha-e-qatil mein sajenge

ye khel to jari rasan-o-dar se hoga

har harf se phuTegi kiran subh-e-junun ki

har bab raqam jurat-e-izhaar se hoga

pahchan sharafat ki zar-o-mal se hogi

mear-e-suKHan jubba-o-dastar se hoga

har subh ki nisbat kisi mazlum se hogi

aaghaz har ek shab ka sitamgar se hoga

'qaisar' tere lafzon ki kasak yaad rahegi

andesha-e-dauran tere ashaar se hoga