KHwahish-e-diwar-o-dar hai apna ghar hote hue

Ashfaq Husain

KHwahish-e-diwar-o-dar hai apna ghar hote hue

Ashfaq Husain

MORE BYAshfaq Husain

    ḳhvāhish-e-dīvār-o-dar hai apnā ghar hote hue

    be-samar haiñ apnī shāḳhoñ par samar hote hue

    log saa.e aur shajar se is qadar bezār haiñ

    shāḳh ko bhī kāTte haiñ shāḳh par hote hue

    ik azāb-e-ḳhauf-e-be-samtī bhī in āñkhoñ meñ hai

    apnī manzil aur apnī rahguzar hote hue

    jā.egī āḳhir kahāñ vīrān lamhoñ ye gard

    merā ghar hote hue merā sar hote hue

    be-sitāra āsmāñ se raushnī kyā māñgte

    ik diyā aur ek jugnū haath par hote hue

    log ḳhāmoshī se apne sāmne dekhā kiye

    mo'atabar bātoñ ko bhī nā-mo'tabar hote hue

    KHwahish-e-diwar-o-dar hai apna ghar hote hue

    be-samar hain apni shaKHon par samar hote hue

    log sae aur shajar se is qadar bezar hain

    shaKH ko bhi kaTte hain shaKH par hote hue

    ek azab-e-KHauf-e-be-samti bhi in aankhon mein hai

    apni manzil aur apni rahguzar hote hue

    jaegi aaKHir kahan viran lamhon ki ye gard

    mera ghar hote hue ya mera sar hote hue

    be-sitara aasman se raushni kya mangte

    ek diya aur ek jugnu hath par hote hue

    log KHamoshi se apne samne dekha kiye

    mo'atabar baaton ko bhi na-mo'tabar hote hue

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY