KHwahish-e-wasl ko qalil na kar

ḳhvāhish-e-vasl ko qalīl na kar

shab-e-hijrāñ ko ab tavīl na kar

maiñ ne tujh ko rakhā sar-āñkhoñ par

zindagī tū mujhe zalīl na kar

jis kā jī chāhe pī le jī bhar ke

itnī sastī kabhī sabīl na kar

apne nām-o-nishāñ miTātā chal

naqsh-e-pā ko tū sañg-e-mīl na kar

niiñd kī vādiyoñ meñ raat guzār

arsa-e-ḳhvāb ko qalīl na kar

terā muhtāj umr bhar maiñ rahūñ

ai ḳhudā mujh ko ḳhud-kafīl na kar

raat kī aañkh band hone lagī

dāstāñ ko bahut tavīl na kar

maiñ ne to ashk pī liyā 'nūrī'

apnī āñkhoñ ko tū bhī jhiil na kar

KHwahish-e-wasl ko qalil na kar

shab-e-hijran ko ab tawil na kar

main ne tujh ko rakha sar-ankhon par

zindagi tu mujhe zalil na kar

jis ka ji chahe pi le ji bhar ke

itni sasti kabhi sabil na kar

apne nam-o-nishan miTata chal

naqsh-e-pa ko tu sang-e-mil na kar

nind ki wadiyon mein raat guzar

arsa-e-KHwab ko qalil na kar

tera muhtaj umr bhar main rahun

ai KHuda mujh ko KHud-kafil na kar

raat ki aankh band hone lagi

dastan ko bahut tawil na kar

main ne to ashk pi liya 'nuri'

apni aankhon ko tu bhi jhil na kar