ḳhvāhisheñ duniyā kī bār-e-dosh-o-gardan ho ga.iiñ
rafta rafta manzil-e-uqbā kī rahzan ho ga.iiñ
ye havā kaisī chalī is tañgnā-e-dahr meñ
shahr jañgal ho ga.e ābādiyāñ ban ho ga.iiñ
chal sū-e-gor-e-garībāñ ai harīs-e-māl-o-zar
dekh kitnī ārzūeñ nazr-e-madfan ho ga.iiñ
kaisī rañgā-rañg shakleñ hoñgī ai josh-e-bahār
miT ke jo gulgūna-e-ruḳhsār-e-gulshan ho ga.iiñ
khul nahīñ saktī kabhī kaifiyyat-e-buġhz-o-hasad
merī aaheñ parda-e-nāmūs-e-dushman ho ga.iiñ
mere naġhmoñ ne jo paa.ī qalb-e-gulshan meñ jagah
shāḳh-e-gul par bulbuleñ bār-e-nasheman ho ga.iiñ
jab mire naale hue qadd-e-sanobar se buland
bulbuleñ sākit sar-e-dīvār-e-gulshan ho ga.iiñ
jāma-e-hastī huā sad-chāk jab misl-e-sahr
zīnateñ duniyā kī gardā-gard-e-dāman ho ga.iiñ
KHwahishen duniya ki bar-e-dosh-o-gardan ho gain
rafta rafta manzil-e-uqba ki rahzan ho gain
ye hawa kaisi chali is tangna-e-dahr mein
shahr jangal ho gae aabaadiyan ban ho gain
chal su-e-gor-e-gariban ai haris-e-mal-o-zar
dekh kitni aarzuen nazr-e-madfan ho gain
kaisi ranga-rang shaklen hongi ai josh-e-bahaar
miT ke jo gulguna-e-ruKHsar-e-gulshan ho gain
khul nahin sakti kabhi kaifiyyat-e-bughz-o-hasad
meri aahen parda-e-namus-e-dushman ho gain
mere naghmon ne jo pai qalb-e-gulshan mein jagah
shaKH-e-gul par bulbulen bar-e-nasheman ho gain
jab mere nale hue qadd-e-sanobar se buland
bulbulen sakit sar-e-diwar-e-gulshan ho gain
jama-e-hasti hua sad-chaak jab misl-e-sahr
zinaten duniya ki garda-gard-e-daman ho gain
Source:
khum-khana-e-javed-volume-001 (Pg. 516)
-
Author:
Lala Sri Ram
-
- Edition: 1908
- Publisher: Munshi Nawal Kishor, Lucknow
- Year of Publication: 1908
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.