kinare moatabar hote muhafiz naKHuda hota

kināre mo'atabar hote muhāfiz nāḳhudā hotā

na kashtī Dūbtī koī na har pal sāneha hotā

yahāñ haq baat yaaro filoñ meñ na dabī hotī

umar fārūq jaisā gar hameñ munsif milā hotā

hasad-o-buġhz-o-kīna ḳhud-numā.ī haiñ sabhī fitne

ye na hote agar shaitāñ ne ik sajda kiyā hotā

lachak patthar meñ gar hotī to phir patthar na kahlātā

vo dabtā par ubhar jaane kā is meñ hausla hotā

na yuuñ māñ-bāp apnī nā-ḳhalaf aulād ko rote

agar har ek din un kā na fāqoñ meñ Dhalā hotā

na.ī tahzīb meñ zinda agar sharm-o-hayā hotī

to yuuñ na rāstoñ par zevar-e-ismat luTā hotā

kinare mo'atabar hote muhafiz naKHuda hota

na kashti Dubti koi na har pal saneha hota

yahan haq baat yaro filon mein na dabi hoti

umar faruq jaisa gar hamein munsif mila hota

hasad-o-bughz-o-kina KHud-numai hain sabhi fitne

ye na hote agar shaitan ne ek sajda kiya hota

lachak patthar mein gar hoti to phir patthar na kahlata

wo dabta par ubhar jaane ka is mein hausla hota

na yun man-bap apni na-KHalaf aulad ko rote

agar har ek din un ka na faqon mein Dhala hota

nai tahzib mein zinda agar sharm-o-haya hoti

to yun na raston par zewar-e-ismat luTa hota