kis barte par armanon ki basti phailai jati hai

kis barte par armānoñ kī bastī phailā.ī jaatī hai

phailī huī duniyā kyā jāneñ kis din mañgvā.ī jaatī hai

jo ḳhūn-e-jigar meñ aatā hai bah jaatā hai vo āñkhoñ se

ham roz kamā.e jaate haiñ aur roz kamā.ī jaatī hai

bardāsht kī had se bāhar hai har-chand musībat ulfat kī

ham is ko uThā.e jaate haiñ jab tak ye uThā.ī jaatī hai

āshiq kī tabī.at khel nahīñ phaTkār hai kyā ġham-ḳhvāroñ par

kis ko bahlā.e jaate haiñ ye kyā bahlā.ī jaatī hai

kyā bād-e-fanā 'ḳhushtar' hai rakhā mātam to jiite jī kā thā

ab ham uThvā.e jaate haiñ ab saf uThvā.ī jaatī hai

kis barte par armanon ki basti phailai jati hai

phaili hui duniya kya jaanen kis din mangwai jati hai

jo KHun-e-jigar mein aata hai bah jata hai wo aankhon se

hum roz kamae jate hain aur roz kamai jati hai

bardasht ki had se bahar hai har-chand musibat ulfat ki

hum is ko uThae jate hain jab tak ye uThai jati hai

aashiq ki tabiat khel nahin phaTkar hai kya gham-KHwaron par

kis ko bahlae jate hain ye kya bahlai jati hai

kya baad-e-fana 'KHushtar' hai rakha matam to jite ji ka tha

ab hum uThwae jate hain ab saf uThwai jati hai