kis bewafa se haal kaha iztirab ka

kis bevafā se haal kahā iztirāb kā

ḳhāna-ḳharāb us dil-e-ḳhāna-ḳharāb kā

qāsid kī laash aa.ī hai ḳhat ke javāb meñ

manshā ye hai javāb na aa.e javāb kā

sun loge koī din meñ ki kumhlā gayā ye phuul

mukhḌā thā chāñd sā jo urūs-e-shabāb kā

qāsid ke dil meñ thā ki zabānī bhī kuchh kahe

hāzir magar mizāj na paayā janāb kā

taqsīr bhī gunāh bhī koī ḳhatā bhī ho

kahnā nahīñ hai haal tumhāre itaab kā

andesha hai na rūh-e-amīñ le uḌeñ 'jarīh'

huuñ ḳhāk-e-dar janāb-e-risālat-ma.āb kā

kis bewafa se haal kaha iztirab ka

KHana-KHarab us dil-e-KHana-KHarab ka

qasid ki lash aai hai KHat ke jawab mein

mansha ye hai jawab na aae jawab ka

sun loge koi din mein ki kumhla gaya ye phul

mukhDa tha chand sa jo urus-e-shabab ka

qasid ke dil mein tha ki zabani bhi kuchh kahe

hazir magar mizaj na paya janab ka

taqsir bhi gunah bhi koi KHata bhi ho

kahna nahin hai haal tumhaare itab ka

andesha hai na ruh-e-amin le uDen 'jarih'

hun KHak-e-dar janab-e-risalat-maab ka