kis dil se hum irada-e-tark-e-junun karen

kis dil se ham irāda-e-tark-e-junūñ kareñ

mumkin nahīñ ki ḳhvāhish-e-sahrā kā ḳhuuñ kareñ

kuchh guftugū ho aaj urūs-e-bahār se

kuchh ham ḳhizāñ-rasīda bhī hāsil sakūñ kareñ

haañ be-kanāriyoñ se kareñ āshnā use

haañ dard-e-intizār ko kuchh to fuzūñ kareñ

manzil kā jis se mil na sake tā-abad surāġh

vo raah iḳhtiyār batāo to kyuuñ kareñ

deñ aarzū ko rañg-e-rah-e-yār-e-ḳhush-ḳhirām

fursat mile to 'āsif'-o-'ḳhālid' bhī yuuñ kareñ

kis dil se hum irada-e-tark-e-junun karen

mumkin nahin ki KHwahish-e-sahra ka KHun karen

kuchh guftugu ho aaj urus-e-bahaar se

kuchh hum KHizan-rasida bhi hasil sakun karen

han be-kanariyon se karen aashna use

han dard-e-intizar ko kuchh to fuzun karen

manzil ka jis se mil na sake ta-abad suragh

wo rah iKHtiyar batao to kyun karen

den aarzu ko rang-e-rah-e-yar-e-KHush-KHiram

fursat mile to 'asif'-o-'KHalid' bhi yun karen