kis dukhe dil ki bad-dua hun main

kis dukhe dil kī bad-duā huuñ maiñ

āj-kal ḳhud se bhī ḳhafā huuñ maiñ

koī mujh se mujhe milā detā

jism se apne lāpata huuñ maiñ

ham pe ilzām koī mat rakhnā

vo mirā us kā ho gayā huuñ maiñ

mere nazdīk aa gayā hai tū

terī aahaT ko sun rahā huuñ maiñ

jin kī chāhat meñ ho gayā barbād

ab vo kahte haiñ bevafā huuñ maiñ

dard siine meñ raqs kartā hai

giit ḳhushiyoñ ke gā rahā huuñ maiñ

mujh ko 'shabbīr-shād' kahte haiñ

aap ke dar pe aa gayā huuñ maiñ

kis dukhe dil ki bad-dua hun main

aaj-kal KHud se bhi KHafa hun main

koi mujh se mujhe mila deta

jism se apne lapata hun main

hum pe ilzam koi mat rakhna

wo mera us ka ho gaya hun main

mere nazdik aa gaya hai tu

teri aahaT ko sun raha hun main

jin ki chahat mein ho gaya barbaad

ab wo kahte hain bewafa hun main

dard sine mein raqs karta hai

git KHushiyon ke ga raha hun main

mujh ko 'shabbir-shad' kahte hain

aap ke dar pe aa gaya hun main