kis KHarabe mein mujhko laya hai
kis ḳharābe meñ mujh ko laayā hai
raushnī hai na koī saaya hai
par kaTe haiñ lahūluhān hai jism
ye parinda kahāñ se aayā hai
jin se raushan the zahr ke qasbe
un charāġhoñ ko kyoñ bujhāyā hai
aaj phir niiñd aa ga.ī mujh ko
aaj phir dhuup ne jagāyā hai
us musāfir kā kaun dukh samjhe
shaam hote jo lauT aayā hai
phir se jaagī koī umang tarang
phir se mausam ġhazal kā aayā hai
kis KHarabe mein mujh ko laya hai
raushni hai na koi saya hai
par kaTe hain lahuluhan hai jism
ye parinda kahan se aaya hai
jin se raushan the zahr ke qasbe
un charaghon ko kyon bujhaya hai
aaj phir nind aa gai mujh ko
aaj phir dhup ne jagaya hai
us musafir ka kaun dukh samjhe
sham hote jo lauT aaya hai
phir se jagi koi umang tarang
phir se mausam ghazal ka aaya hai
- Book : Dhoop Mein Baithne Ke Din Aaye (Pg. 27)
- Author : Sunil Aftab
- Publication : Rekhta Publications (2024)
- Edition : First
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
