kis ko kahte hain jafa kya hai wafa yaad nahin

Akhtar Muslimi

kis ko kahte hain jafa kya hai wafa yaad nahin

Akhtar Muslimi

MORE BY Akhtar Muslimi

    kis ko kahte haiñ jafā kyā hai vafā yaad nahīñ

    ai mohabbat mujhe kuchh tere sivā yaad nahīñ

    dekhiye hotī hai kis tarah shab-e-ġham sahar

    ab to ai dard-e-jigar koī duā yaad nahīñ

    ho ga.ī ḳhatm rah-o-rasm-e-mohabbat shāyad

    maiñ vafā bhuul gayā un ko jafā yaad nahīñ

    yuuñ bhī kar sakte ho barbād-e-mohabbat pe karam

    ham ne maanā ki tumheñ ahd-e-vafā yaad nahīñ

    dil-e-dīvāna pe ilzām lagāne vaale

    jis ne dīvāna banāyā vo adā yaad nahīñ

    jis se 'aḳhtar' ho mire dard-e-mohabbat ilaaj

    kyā masīhā-nafasoñ ko vo davā yaad nahīñ

    kis ko kahte hain jafa kya hai wafa yaad nahin

    ai mohabbat mujhe kuchh tere siwa yaad nahin

    dekhiye hoti hai kis tarah shab-e-gham ki sahar

    ab to ai dard-e-jigar koi dua yaad nahin

    ho gai KHatm rah-o-rasm-e-mohabbat shayad

    main wafa bhul gaya un ko jafa yaad nahin

    yun bhi kar sakte ho barbaad-e-mohabbat pe karam

    hum ne mana ki tumhein ahd-e-wafa yaad nahin

    dil-e-diwana pe ilzam lagane wale

    jis ne diwana banaya wo ada yaad nahin

    jis se 'aKHtar' ho mere dard-e-mohabbat ka ilaj

    kya masiha-nafason ko wo dawa yaad nahin

    Source:

    • Book : Kulliyat-e-Akhtar Muslimi (Pg. 245)
    • Author : Faheem Ahmad
    • Publication : Danish Frahi, Ramlila Maidan, Saraye Meer, Azamgrah, U.P. (2013)
    • Edition : 2013
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY