kis liye dekh rahi ho mujhe hairani se

kis liye dekh rahī ho mujhe hairānī se

ġhuncha kahlātā hai gul chāk-garebānī se

husn vāqif hī bahut thā fan-e-'uryānī se

varna maa.il maiñ kahāñ hotā thā āsānī se

is liye bhī maiñ faqīroñ kī tarah rahtā huuñ

koī nisbat hai mirī be-sar-o-sāmānī se

baa'z auqāt to maiñ 'ālam-e-hū ko ḳhud meñ

khīñch letā huuñ tasāhul kī farāvānī se

ai ḳhudā un ko ye ehsās na hone denā

kaun mā'zūl huā masnad-e-sultānī se

ek vo daur udāsī kā 'ajab daur thā jab

ek peshānī juḌī rahtī thī peshānī se

ik 'alī' naam kā saa.il hai karīmoñ ke karīm

aur darbār meñ pahuñchā hai pareshānī se

kis liye dekh rahi ho mujhe hairani se

ghuncha kahlata hai gul chaak-garebani se

husn waqif hi bahut tha fan-e-'uryani se

warna mail main kahan hota tha aasani se

is liye bhi main faqiron ki tarah rahta hun

koi nisbat hai meri be-sar-o-samani se

ba'z auqat to main 'alam-e-hu ko KHud mein

khinch leta hun tasahul ki farawani se

ai KHuda un ko ye ehsas na hone dena

kaun ma'zul hua masnad-e-sultani se

ek wo daur udasi ka 'ajab daur tha jab

ek peshani juDi rahti thi peshani se

ek 'ali' nam ka sail hai karimon ke karim

aur darbar mein pahuncha hai pareshani se