kis liye gardish-e-hālāt kā ronā hai miyāñ
vo to ho kar hī rahegā ki jo honā hai miyāñ
faisla kar na sakī aql ki is duniyā meñ
aadmī ḳhud koī quvvat ki khilaunā hai miyāñ
maiñ kisī chiiz ko pā kar bhī kabhī ḳhush na huā
jāntā huuñ ki har ik chiiz ko khonā hai miyāñ
is kā kyā zikr ki mahrūm-e-samar haiñ ham log
nasl-e-fardā ke liye biij to bonā hai miyāñ
hai to ik chiiz qalandar kī hathelī pe 'sharīf'
ab ḳhudā jaane vo miTTī hai ki sonā hai miyāñ
kis liye gardish-e-haalat ka rona hai miyan
wo to ho kar hi rahega ki jo hona hai miyan
faisla kar na saki aql ki is duniya mein
aadmi KHud koi quwwat ki khilauna hai miyan
main kisi chiz ko pa kar bhi kabhi KHush na hua
jaanta hun ki har ek chiz ko khona hai miyan
is ka kya zikr ki mahrum-e-samar hain hum log
nasl-e-farda ke liye bij to bona hai miyan
hai to ek chiz qalandar ki hatheli pe 'sharif'
ab KHuda jaane wo miTTi hai ki sona hai miyan
Source:
Widrabh mein Jadeed Urdu Shairi: Ek Motala (Pg. 36)
-
- Publisher: Mohammad Azhar Hayat
- Year of Publication: 2012
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.