kis manzar mein kaise manzar ug aate hain
kis manzar meñ kaise manzar ug aate haiñ
ḳhvāb ugānā chāhūñ patthar ug aate haiñ
ye nā-mumkin hai phir bhī lagtā hai jaise
qaid meñ vaqt se pahle hī par ug aate haiñ
mausam kā e.ajāz hai yā jaadū hai koī
rātoñ-rāt daraḳhtoñ par ghar ug aate haiñ
puure chāñd kī raat samundar narm havā.eñ
sat.h-e-āb pe kyā kyā paikar ug aate haiñ
ishq meñ qāmat kā yuuñ dhyān rakhā jaatā hai
gardan kaT jaatī hai to sar ug aate haiñ
us ke naam kā naqqārā bajte hī 'saifī'
chāroñ-jānib dard ke lashkar ug aate haiñ
kis manzar mein kaise manzar ug aate hain
KHwab ugana chahun patthar ug aate hain
ye na-mumkin hai phir bhi lagta hai jaise
qaid mein waqt se pahle hi par ug aate hain
mausam ka eajaz hai ya jadu hai koi
raaton-raat daraKHton par ghar ug aate hain
pure chand ki raat samundar narm hawaen
sath-e-ab pe kya kya paikar ug aate hain
ishq mein qamat ka yun dhyan rakha jata hai
gardan kaT jati hai to sar ug aate hain
us ke nam ka naqqara bajte hi 'saifi'
chaaron-jaanib dard ke lashkar ug aate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
