kis munh se zindagi ko wo raKHshanda kah saken

Sadique Naseem

kis munh se zindagi ko wo raKHshanda kah saken

Sadique Naseem

MORE BYSadique Naseem

    kis muñh se zindagī ko vo raḳhshanda kah sakeñ

    jo mehr-o-māh ko bhī na tābinda kah sakeñ

    vo din bhī huuñ ġhubār chhaTeñ āñdhiyāñ haTeñ

    aur gul ko rañg-o-bū numā.inda kah sakeñ

    taaza rakheñ sadā ḳhalish-e-zaḳhm ko ki ham

    jo ab na kah sake kabhī ā.inda kah sakeñ

    zindāñ meñ koī rauzan-e-zindāñ to ho ki log

    jis haal meñ bhī dekheñ hameñ zinda kah sakeñ

    har shai badal rahī hai ajab ujlatoñ meñ rañg

    koī to naqsh ho jise pā.inda kah sakeñ

    dil ke sivā hai kaun aisā charāġh shaam

    be-nūr ho ke bhī jise raḳhshanda kah sakeñ

    sadiyoñ navā-garoñ ko mayassar na aa mile

    vo giit jin ko hasrat-e-sāzinda kah sakeñ

    is daur meñ har ik ko hai ḳhud apnī justujū

    koī nahīñ jise tirā joinda kah sakeñ

    har udaas chehre haiñ itne ki ab 'nasīm'

    kis ko dayār-e-dard bāshinda kah sakeñ

    kis munh se zindagi ko wo raKHshanda kah saken

    jo mehr-o-mah ko bhi na tabinda kah saken

    wo din bhi hun ghubar chhaTen aandhiyan haTen

    aur gul ko rang-o-bu ka numainda kah saken

    taza rakhen sada KHalish-e-zaKHm ko ki hum

    jo ab na kah sake kabhi aainda kah saken

    zindan mein koi rauzan-e-zindan to ho ki log

    jis haal mein bhi dekhen hamein zinda kah saken

    har shai badal rahi hai ajab ujlaton mein rang

    koi to naqsh ho jise painda kah saken

    dil ke siwa hai kaun sa aisa charagh sham

    be-nur ho ke bhi jise raKHshanda kah saken

    sadiyon nawa-garon ko mayassar na aa mile

    wo git jin ko hasrat-e-sazinda kah saken

    is daur mein har ek ko hai KHud apni justuju

    koi nahin jise tera joinda kah saken

    har su udas chehre hain itne ki ab 'nasim'

    kis ko dayar-e-dard ka bashinda kah saken

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY