kis qadar dushwar tha ye masala hal kar diya

kis qadar dushvār thā ye mas.ala hal kar diyā

ek sargoshī meñ us ne mujh ko pāgal kar diyā

jaane ye tāsīr hāthoñ meñ kahāñ se aa ga.ī

itifāqan us ko chhū kar maiñ ne sandal kar diyā

jin kī jumbish par kabhī thā vaqt kā dār-o-madār

vaqt ne dhuñdlā unhīñ āñkhoñ kā kājal kar diyā

qā.ede qānūn saare rakh diye bālā-e-tāq

ham ne is duniyā ko insānoñ kā jañgal kar diyā

duur kar paayā na jab tārīkiyāñ koī 'sharar'

āḳhirash apne qalam ko maiñ nai mash.al kar diyā

kis qadar dushwar tha ye masala hal kar diya

ek sargoshi mein us ne mujh ko pagal kar diya

jaane ye tasir hathon mein kahan se aa gai

itifaqan us ko chhu kar main ne sandal kar diya

jin ki jumbish par kabhi tha waqt ka dar-o-madar

waqt ne dhundla unhin aankhon ka kajal kar diya

qaede qanun sare rakh diye baala-e-taq

hum ne is duniya ko insanon ka jangal kar diya

dur kar paya na jab tarikiyan koi 'sharar'

aaKHirash apne qalam ko main nai mashal kar diya