kis qadar KHush tha kabhi yaron ke bich

kis qadar ḳhush thā kabhī yāroñ ke biich

ab tarastā huuñ maiñ ḳhar-kāroñ ke biich

kuchh ḳhabar bhī hai mirī kuTiyā tujhe

ghir ga.ī hai kitne zardāroñ ke biich

dekh kar dushman mirā rone lagā

khilkhilāyā maiñ jo añgāroñ ke biich

kyā karegā sar pakaḌne ke sivā

ik masīhā itne bīmāroñ ke biich

jaane kyuuñ dīvār TeḌhī ho ga.ī

aur vo bhī itne me.amāroñ ke biich

merā girya rā.egāñ jaane lagā

kyā huā hāsil riyā-kāroñ ke biich

rah sakeñgī kis tarah parvāz ḳhush

chand sāñseñ itne āzāroñ ke biich

kis qadar KHush tha kabhi yaron ke bich

ab tarasta hun main KHar-karon ke bich

kuchh KHabar bhi hai meri kuTiya tujhe

ghir gai hai kitne zardaron ke bich

dekh kar dushman mera rone laga

khilkhilaya main jo angaron ke bich

kya karega sar pakaDne ke siwa

ek masiha itne bimaron ke bich

jaane kyun diwar TeDhi ho gai

aur wo bhi itne meamaron ke bich

mera girya raegan jaane laga

kya hua hasil riya-karon ke bich

rah sakengi kis tarah parwaz KHush

chand sansen itne aazaron ke bich