kis qadar zaKHm-e-dil-e-zar ne khae hain abhi

kis qadar zaḳhm-e-dil-e-zār ne khaa.e haiñ abhī

lāf-zan mil ke mire yaar se aa.e haiñ abhī

raat ko ā.eñge ifrīt mujassam ban kar

ye ujāle meñ jo dīvār pe saa.e haiñ abhī

un ke vīrān khañDar umr ke saath hoñge kahāñ

dil ne aivāñ jo trahdār sajā.e haiñ abhī

jis taraf aañkh uThe jalva-e-rañgīñ dekheñ

aañkh meñ ḳhalvat-e-dildār ke saa.e haiñ abhī

naaz se jins-e-dil-o-jāñ kī numā.ish itnī

aap kyā ishq ke bāzār meñ aa.e haiñ abhī

kis qadar zaKHm-e-dil-e-zar ne khae hain abhi

laf-zan mil ke mere yar se aae hain abhi

raat ko aaenge ifrit mujassam ban kar

ye ujale mein jo diwar pe sae hain abhi

un ke viran khanDar umr ke sath honge kahan

dil ne aiwan jo trahdar sajae hain abhi

jis taraf aankh uThe jalwa-e-rangin dekhen

aankh mein KHalwat-e-dildar ke sae hain abhi

naz se jins-e-dil-o-jaan ki numaish itni

aap kya ishq ke bazar mein aae hain abhi