kis tawaqqoa pe kya uTha rakhiye

kis tavaqqo.a pe kyā uThā rakhiye

dil salāmat nahīñ to kyā rakhiye

likhiye kuchh aur dāstān-e-dil

aur zamāne ko mubtalā rakhiye

sar meñ saudā rahe mohabbat kā

paañv meñ ḳhaak kī anā rakhiye

buuñd bhar aab kyā muqaddar hai

abr rakhiye to kuchh havā rakhiye

is se pahle koī jalāne aa.e

aap apnā hī ghar jalā rakhiye

qabl-e-insāf chal basā mulzim

ab adālat se kyā ravā rakhiye

jaan jaanī hai jab abas hī 'hamesh'

phir to duniyā se fāsla rakhiye

kis tawaqqoa pe kya uTha rakhiye

dil salamat nahin to kya rakhiye

likhiye kuchh aur dastan-e-dil

aur zamane ko mubtala rakhiye

sar mein sauda rahe mohabbat ka

panw mein KHak ki ana rakhiye

bund bhar aab kya muqaddar hai

abr rakhiye to kuchh hawa rakhiye

is se pahle koi jalane aae

aap apna hi ghar jala rakhiye

qabl-e-insaf chal basa mulzim

ab adalat se kya rawa rakhiye

jaan jaani hai jab abas hi 'hamesh'

phir to duniya se fasla rakhiye