kise dekhte kise puchhte ki hum aap kushta-e-haal the

Mahshar Badayuni

kise dekhte kise puchhte ki hum aap kushta-e-haal the

Mahshar Badayuni

MORE BY Mahshar Badayuni

    kise dekhte kise pūchhte ki ham aap kushta-e-hāl the

    sar-e-lab kuchh aur the mas.ale pas-e-jāñ kuchh aur savāl the

    jo lahūluhān kiye ga.e sar-e-rah jo maar diye ga.e

    vo shaġhāl to na the dasht ke mire shahr ke ġhazāl the

    uThā parda rū-e-gumāñ se jab to khulā ajab tilsim-e-shab

    vo tamām chehre bhī ḳhvāb the vo sab aa.ine bhī ḳhayāl the

    baḌhe jitne raah meñ pech-o-ḳham huā aur jazb-e-safar baham

    jo malāl the mire ham-qadam kahīñ thamne vaale malāl the

    baḌī sabr-kash thiiñ masāfateñ ki qadam qadam thiiñ qayāmateñ

    mirī himmateñ to nihāl thiiñ mire hausle to bahāl the

    kise dekhte kise puchhte ki hum aap kushta-e-haal the

    sar-e-lab kuchh aur the masale pas-e-jaan kuchh aur sawal the

    jo lahuluhan kiye gae sar-e-rah jo mar diye gae

    wo shaghaal to na the dasht ke mere shahr hi ke ghazal the

    uTha parda ru-e-guman se jab to khula ajab hi tilsim-e-shab

    wo tamam chehre bhi KHwab the wo sab aaine bhi KHayal the

    baDhe jitne rah mein pech-o-KHam hua aur jazb-e-safar baham

    jo malal the mere ham-qadam kahin thamne wale malal the

    baDi sabr-kash thin masafaten ki qadam qadam thin qayamaten

    meri himmaten to nihaal thin mere hausle to bahaal the

    Source:

    • Book : jadeed urdu gazal (Pg. 220)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY