kise sunaun main juzw-e-maqal sham ke baad

kise sunā.ūñ maiñ juzv-e-maqāl shaam ke baa'd

to ḳhud hī bantī huuñ pursān-e-hāl shaam ke baad

thā jin pe maan hameñ pā.emāl un se hue

javāz DhūñDh ke karte malāl shaam ke baa'd

baserā karnā parindoñ kā ho gayā mushkil

kisī ne pheñkā daraḳhtoñ pe jaal shaam ke baa'd

hameñ latāḌā gayā is qadar mohabbat meñ

ḳhamosh ro.e jab aaya ḳhayāl shaam ke baa'd

tamāshbīn ye duniyā har ik pe hañstī rahī

hue haiñ hausle sab ke niDhāl shaam ke baa'd

ye mai-kada hai jahāñ sirf 'aish hotā hai

yahāñ nahīñ hai harām-o-halāl shaam ke baa'd

mirī hayāt ko ab kar de muḳhtasar yā-rab

mazīd jiinā huā hai muhāl shaam ke baa'd

kise sunaun main juzw-e-maqal sham ke ba'd

to KHud hi banti hun pursan-e-haal sham ke baad

tha jin pe man hamein paemal un se hue

jawaz DhunDh ke karte malal sham ke ba'd

basera karna parindon ka ho gaya mushkil

kisi ne phenka daraKHton pe jal sham ke ba'd

hamein lataDa gaya is qadar mohabbat mein

KHamosh roe jab aaya KHayal sham ke ba'd

tamashbin ye duniya har ek pe hansti rahi

hue hain hausle sab ke niDhaal sham ke ba'd

ye mai-kada hai jahan sirf 'aish hota hai

yahan nahin hai haram-o-halal sham ke ba'd

meri hayat ko ab kar de muKHtasar ya-rab

mazid jina hua hai muhaal sham ke ba'd