kise uruj de kis ko zawal tu jaane

kise uruuj de kis ko zavāl tū jaane

hai kaun ham meñ baḌā bā-kamāl tū jaane

kahāñ tū apne abābīl bheje ai allāh

kahāñ pe taan de makḌī ke jaal tū jaane

maiñ chāhtā huuñ kahīñ aur maiñ na phailā.ūñ

hai tere sāmne dast-e-savāl tū jaane

idhar-udhar kī kamā.ī se maiñ karūñ parhez

kahāñ se aanā hai rizq-e-halāl tū jaane

maiñ jaan luuñ bhī to bas jaan lūñgā bāhar se

har ek shaḳhs ke andar kā haal tū jaane

kise tū rakkhegā apne karam ke saa.e meñ

tujhe kab aa.egā kis par jalāl tū jaane

tamām samteñ bhī terī haiñ rāste bhī tire

kahāñ hai manzil-e-'shāhid-jamāl' tū jaane

kise uruj de kis ko zawal tu jaane

hai kaun hum mein baDa ba-kamal tu jaane

kahan tu apne ababil bheje ai allah

kahan pe tan de makDi ke jal tu jaane

main chahta hun kahin aur main na phailaun

hai tere samne dast-e-sawal tu jaane

idhar-udhar ki kamai se main karun parhez

kahan se aana hai rizq-e-halal tu jaane

main jaan lun bhi to bas jaan lunga bahar se

har ek shaKHs ke andar ka haal tu jaane

kise tu rakkhega apne karam ke sae mein

tujhe kab aaega kis par jalal tu jaane

tamam samten bhi teri hain raste bhi tere

kahan hai manzil-e-'shahid-jamal' tu jaane