kisi bhi shaKHs par kab mehrban the hum

kisī bhī shaḳhs par kab mehrbāñ the ham

ye thā ilzām ke kuchh bad-gumāñ the ham

na likhī hī ga.ī aaheñ na kām-e-dil

tabhī jaanā ke kitne be-kasāñ the ham

tumheñ bhī raah se bhaTkā diyā ham ne

ajī chhoḌo kabhī to rāh-dāñ the ham

vo chaltā saath bhī to kab talak chaltā

vo qissa aur lambī dāstāñ the ham

go mizhgāñ meñ rahe aTke magar phir bhī

tirī āñkhoñ meñ chubhtī kirchiyāñ the ham

mirī ḳhasta mizājī par na jaanā tum

hai ye mālūm tum ko bad-zabāñ the ham

dharā ujlī shafaq meñ nuur thā jis se

gagan par aaj kisht-e-za.afrāñ the ham

kisi bhi shaKHs par kab mehrban the hum

ye tha ilzam ke kuchh bad-guman the hum

na likhi hi gai aahen na kaam-e-dil

tabhi jaana ke kitne be-kasan the hum

tumhein bhi rah se bhaTka diya hum ne

aji chhoDo kabhi to rah-dan the hum

wo chalta sath bhi to kab talak chalta

wo qissa aur lambi dastan the hum

go mizhgan mein rahe aTke magar phir bhi

teri aankhon mein chubhti kirchiyan the hum

meri KHasta mizaji par na jaana tum

hai ye malum tum ko bad-zaban the hum

dhara ujli shafaq mein nur tha jis se

gagan par aaj kisht-e-zafran the hum